هذه الحلقة، هي حلقة خاصة تعريفية بالبودكاست اتحدث فيها عن الاسباب التي دفعتني وشجعتني على صناعة هذا البودكاست ما هي المشاكل التي واجهتني والحلول التي وجدتها لتلك المشاكل ما هي المهارات التي نحتاجها في حياتنا وكيف ننميها
حلقة مقدمة للبودكاست
https://www.instagram.com/mumpreneur_club/#
مرحبا واهلا وسهلا فيكم
انا نورخليل
وهذا بودكاست ماما ريادية
وهذه حلقة خاصة تعريفية بالبودكاست
بدت قصتي مع بداية غربتي
بعد ما اتفرغت لاولادي وتركت عملي
ومع مرور الأيام شعرت انه في اشي ناقصني
شعور بالضيق وعدم الاستمتاع بالحياة على الرغم من وجود والحمدلله كل ما يوفر السعادة
حاولت اعبي الفراغ الي بحياتي بتعلم أشياء جديدة وهوايات قديمة احييتها من جديد
واكيد اولادي كانوا براس القائمة
حاولت الاقي حالي بكل الطرق
وشغفي وطموحي قادوني لعدة أسئلة حول المهارات الحياتية المختلفة وحول المشاريع والريادة
كيف انمي المهارات الي عندي وكيف اكتسب مهارات جديدة
كيف اشتغل على حالي واطورها لأصير انسانة وام افضل على جميع المستويات
وكيف اقدر اعمل مشروع بجانب تفرغي لاطفالي
كيف ابدأ؟ وشو اعمل؟ شو قصص النجاح الملهمة؟
وشو واجبي تجاه ابنائي وكيف اساعدهم يطوروا المهارات الريادية المختلفة
فقررت اطلق مشروع ماما ريادية ليكون منصة لتجمع كل الأمهات الطموحة لنتشارك برحلة الريادة ونتعلم سوا
مشروع يكون رسالتي ويكون فيه فائدة كبيرة الي وللامهات الي مثلي
ويجاوب على كل تساؤلاتنا
ليكون مصدر نور والهام النا لنتعلم سوا ونطور حياتنا في علاقاتنا، امورنا العائلية وثقافتنا المالية، والعمل الخاص، والوظيفة، والصحة، وحتى السفر والترفيه عن حالنا وكل المواضيع الي بتهمنا لنزيد وعينا وادراكنا وتطور مهاراتنا
وبهالبودكاست
راح أشارك معكم كل الخطوات، الأفكار ، القصص الملهمة ، والدروس التي تعلمتها من الدورات المختلفة الي اشتركت فيها او المحاضرات او الكتب الي قرأتها والي بدورها ساعدتني وراح تساعدك انتي كمان لتحققي الحياة الي بتحلمي تحققيها وتوصلي للسلام الداخلي والرضا الحقيقي عن حالك وعن حياتك
حتى تصيري ام أكثر سعادة وأكثر عطاء لاولادك والي حواليكي
بالإضافة لهيك راح استضيف أمهات ملهمات استطاعوا ينقلوا حياتهم لمستوى افضل فكريا وعمليا
ليشاركونا بأسرار نجاحهم وتخطيهم لكل الصعوبات الي واجهتهم وكيف قدروا يستغلوا الفرص لتحقيق احلامهم
مشروع ماما ريادية هو بوابة لكل ام طموحة وعندها شغف بالتعلم والتعليم